이슬람 단식에 관한 대화 / Islom dinidagi ro’za haqida suhbat

이슬람 단식에 관한 대화

비무슬림: 벌써 점심 시간이네요! 밥 먹으로 갑시다. 아브둘로씨 안 가요?

무슬림: 저 오늘부터 단식을 해요. 먼저 식사하고 오세요.

비무슬림: 어머 어떻게 밥 안 먹어도 돼요?!힘들겠다! 며칠 동안 단식을 해요?

무슬림: 한 달 단식 기간이에요

비무슬림: 어머 어떻게 한 달 동안 밥 안 먹으면 면역력이 떨어지겠다!

난 아브둘로씨가 면역력이 떨어질까 봐 걱정이다! 그런데 하나 물어봐도 돼요? 무슬림들은 왜 단식을 해요?

무슬림: 네, 걱정해주셔서 감사해요. 그런데 단식은 전혀 3끼 식사를 못 먹는 것이 아니라 한 달 동안 2끼만 먹는 거예요. 새벽에 아침 식사 하고  저녁에 간단한 식사를 하고 30일 동안 이렇게 지내요. 다시 말하자면 일출부터 일몰까지 금식을 해요. 단식은 이슬람 신앙과 실천의 5가지 기둥 중 하나이고 무슬림들이 단식의 중요한 이유를 알아서  자기가 스스로 원해서 단식을 해요. 1년에 한번 하나님께서 주시는 이런 기회를 감사하게 느끼며 단식을 하게 돼요. 그 외에 단식을 통해서 배우는 것들도 많아요.

비무슬림: 그래요? 어떤 것들이 있어요?

무슬림: 단식을 통해서 첫째로 스스로 유혹과 싸워야 되고 인내심, 의지력을 키워요. 예를 들면 옆에 모르는 사람이 밥을 맛있게 먹고 있으면 단식을 지키는 사람, 즉 배가 고픈 사람에게 이런 유혹과 싸우는 것이 쉬운 일이 아니잖아요. 이와 같은 유혹을 이기고 나면 강한 의지력을 갖게 되는 거죠. 현 사회에서 대부분 사람들에게 강한 의지력이 부족해서 본인이 달성하려고 하는 목적을 이룰 수 없다는 이유 중 하나예요. 그래서 이런 강한 의지력, 인내심 등 성질을 무슬림들이 단식을 통해서 배우는 거죠.

둘째로는 단식을 시작하기 전에 마음껏 누리던  것들에 대한 진정한 가치와 감사함을 깨닫게 되고, 셋째로는 가난하고 배고픈 사람의 사정을 본인도 경험상 느껴 본 후 자신이 가진 것을 타인과 나누려는 마음을 갖게 돼요.

결론적으로  이슬람에서는 단식은 한 마디로  한국 속담에 나오는 말처럼 "굶어 봐야 세상을 안다"라는 의미예요.

비무슬림: 아 그렇구나! 이제야 단식하는 이유를 알게 되었어요. 감사해요.

Islom dinidagi ro’za haqida suhbat

Nomusulmon: Voy tushlik vaqti bo'lib qolibdiku! Tushlik yeyishga ketdik. Abdullo biz bilan birga ketmaysizmi?

Musulmon: Men bugundan boshlab ro'za tutdim. Bemalol ovqat yeb kelaveringlar.

Nomusulmon: Voy ro’zamisiz?! Ovqat yemasangiz ham bo'ladimi?! Qiyinku axir! Nechi kun endi ro'za tutasiz?

Musulmon: Bir oy ro'za vaqti hisoblanadi.

Nomusulmon: Bir oy vaqt davomida ovqat yemasangiz immunitetingiz tushib qoladiku! Men Abdullohning immuniteti tushishidan xavotirdaman! Bitta narsani so'rasam bo'ladimi? Musulmonlar o'zi nimaga ro'za tutishadi?

Musulmon: Ro'za degani bu umuman ovqat yemaslik emas, balki bir oy vaqt davomida 2 mahal ovqat yeyishlikdir. 30 kun davomida saharda nonushta qilinib, kechki payt yengil ovqat yeb olinadi, ya'ni subhdan to kun botguncha ovqat yeyilmaydi.

Ro'za islom dinidagi iymon va amalning besh arkonidan biri bo'lib, musulmonlar ro'za tutishning muhim sabablarini bilganlaridan o'zlari o'z ixtiyorlari, xohishlari bilan ro'za tutadilar. Bir yilga bir marta Alloh ta'olo tomonidan beriladigan bu imkoniyatga tashakkurlar bildirib, ro'za tutadilar. Bundan tashqari ro’za orqali o'rganadigan narsalar ko'p.

Nomusulmon: Yo’g’e?! Qanday narsalar ekan?

Musulmon: Ro'za tutish orqali birinchi navbatda nafslari bilan kurashib, sabr-toqat va iroda kuchini rivojlantiradilar. Masalan, ro’za tutgan kishining oldida biron kishi ovqatni mazali iste’mol qilib tursa, bu holat ro’za tutgan kishiga, ayniqsa och qolgan paytda, nafslari bilan kurashish oson bo’lmaydi. Lekin shunga qaramasdan nafslari bilan kurashib, yutib chiqqanlaridan keyin kuchli irodaga ega bo’ladilar. Bu shuni anglatadiki, hozirgi jamiyatda aksariyat odamlarga o'zlari erishmoqchi bo'lgan maqsadga erishish uchun kuchli iroda yetmaydi. Shuning uchun musulmonlar ushbu ro'za orqali kuchli iroda, sabr, matonat xislatini o'rganadilar.

Ikkinchidan, ro'za tutishni boshlashdan oldin, o'zlari yoqtirgan narsalarni xohlagancha yeb, ro’za paytida aynan o’sha narsalarning haqiqiy qadriga yetib shukr qilishlik hissini anglab yetadilar.Uchinchidan, kambag'al, qorni och odamning holatini shaxsan o’zlarining boshlaridan kechirganlaridan so'ng, bor narsalarini boshqalar bilan bo'lishish niyatiga ega bo'ladilar.

Xulosa qilib aytganda, islomdagi ro'za, koreys maqolasidagi “Och qolsanggina, dunyoni bilasan”degan ma'noni anglatadi.

Nomusulmon: A.., endi ro'za tutish sababini tushundim, rahmat.

  Xulosa o'rniga, ushbu suhbatni koreyslar tushunchasiga mos tarzda asosiy mazmunini ifodalash uchun qisqaroq keltirishga harakat qildik. Lekin ozgina uzunroq bo'lib chiqdi. Agar bu savolga javob sizlarga uzunroq tuyulsa yoki yodlashga qiynalsalaringiz "굶어 봐야 세상을 안다" - "Och qolsanggina dunyoni bilasan" -deb, qisqa va lo'nda qilib, shu maqolani javob bersalaringiz ham bo'ladi :))

Suhbat va uning tarjimasi ustida A.Shahnoza ishladi.(Seul Global Markazi xodimi)